Moleskine в Минске

Moleskine (Малескін) — гандлёвая марка італьянскай кампаніі Modo & Modo, якая цягам больш як 200 гадоў зарэкамендавала сябе як культавы нататнік, якім карыстаецца і які паважае еўрапейская творчая інтэлігенцыя: мастакі, журналісты, рэжысёры і кінасцэнарысты, пісьменнікі, музыкі і архітэктары.
150-200 гадоў таму, калі Малескіны яшчэ выраблялі на некалькіх невялікіх мануфактурах у Францыі, іх заўважылі і палюбілі выбітныя людзі таго часу, напрыклад, Апалінэр, Ван Гог, Пабла Пікаса, Эрнэст Хэмінгуэй, Анры Матыс, Жан-Поль Сартр, Гертруда Стайн, Андрэ Брэтон, Луі-Фердынанд Селін.

Малескін знік у 1986 годзе разам з крамкаю ў французскім мястэчку Турэ. Але ўжо ў канцы 90-х гурт мастакоў з Італіі ўзгадаў пра Moleskine. «Мода энд Мода» зарэгістравалі гандлёвую марку «Moleskine», і культавы нататнік вярнуўся.

У наш час кампанія вырабляе нататнікі і блакноты з грубай, трывалай для вільгаці папераю і цвёрдаю вокладкай, гнуткай гумкаю і тасёмкаю для закладвання старонак; сярод прадукцыі — нататнікі і тэлефонныя кнігі з рознай разліноўкаю, нататнікі для малявання, рысавання, запісу нотаў, рэпарцёрскія блакноты і г.д. Агулам больш як два дзесяткі відаў.

Сярод вядомых прыхільнікаў Moleskine — сцэнарыст Сімон дэ Валь, пісьменнік Ніл Гейман, пісьменнік Брус Чатвін. У глабальным сеціве Інтэрнэт ужо створаныя і дасюль ствараюць мноства сайтаў і творчых блогаў, дзе аматары Малескінаў публікуюць свае коміксы, накіды, вершы і г.д.
Малескін заўжды вылучаў уладальніка з натоўпу, вандруючы з ім, натхняючы і спыняючы імгненне на сваіх старонках. Не толькі пішыце ў Малескіне, але і стварайце!